چیمپئنز ٹرافی 2025ء‘کل کوئی بورڈ میٹنگ شیڈول نہیں : آئی سی سی 

لاہور(سپورٹس رپورٹر)چیمپئنز ٹرافی 2025ء پر خاموشی چھا گئی، پاکستان کرکٹ بورڈ کے بعد انٹرنیشنل کرکٹ کونسل نے بھی ہنگامی بورڈ اجلاس طلب کئے جانے کے بھارتی میڈیا کے دعوے کی تردید کردی ۔ترجمان آئی سی سی کے مطابق منگل کو کوئی بورڈ میٹنگ شیڈول نہیں، چیمپئنز ٹرافی پر کوئی پیش رفت ہوئی تو میڈیا کو آگاہ کردیا جائیگا۔بھارتی میڈیا نے کچھ روز قبل 26 نومبر بروز منگل کو آئی سی سی کی جانب سے ہنگامی اجلاس طلب کرنے کا دعوی کیا تھا۔پی سی بی پہلے ہی ایسی کسی میٹنگ سے لاعلمی ظاہر کر چکا تھا۔