لاہور(سپورٹس رپورٹر)پاکستان شاہینز اور سری لنکا اے کے درمیان تین ون ڈے میچز کی سیریز کا آغاز آج سے ہوگا۔پاکستان شاہینز اور سری لنکا اے کے درمیان پہلا 50 اوور کا میچ آج اسلام آباد کلب میں کھیلا جائیگا جبکہ بقیہ دو میچز 27 اور 29 نومبر کو راولپنڈی کرکٹ سٹیڈیم میں ہونگے۔پاکستان شاہینز کی قیادت محمد حریرہ کریں گے۔دو میچوں پر مشتمل ریڈ بال سیریز میں پاکستان شاہینز نے سری لنکا اے کو ایک صفر سے شکست دی تھی۔