کراچی ‘    سی ٹی ڈی کے ہاتھوں 70 سے زائد مقدمات میں ملوث  4      ڈاکو ہلاک

 کراچی(کامرس رپورٹر) کراچی کے پوش علاقے کلفٹن میں سنیپ چیکنگ کے دوران مبینہ پولیس مقابلہ کے نتیجے میں 4 ڈاکو ہلاک ہوگئے۔ پولیس حکام نے بتایا دوران چیکنگ کلفٹن پولیس اور سی ٹی ڈی اہلکاروں کے روکنے پر ملزم فائرنگ کر کے فرار ہونے لگے، پولیس کی جوابی کارروائی میں چاروں ڈاکو زخمی ہوگئے، جنہیں طبی امداد کے لے ہسپتال منتقل کیا گیا جہاں وہ ہلاک ہوگئے۔ہلاک ملزمان سے 4 پستول اور دو موٹرسائیکلیں بھی برآمد ہوئی ہیں۔ڈی آئی جی سائوتھ اسد رضا نے  بتایا  ملزمان میں عبدالستار، سری چند، راج کمار اور نواب احمد شامل ہیں۔ حکام نے بتایا ملزم عادی مجرم تھے اور70سے زائد مقدمات میں پولیس کو مطلوب تھے ۔