لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے سبزہ زار میں جنید کے گھر اہلخانہ کو گن پوائنٹ پر یرغمال بنا کر5 لاکھ روپے‘ زیورات، موبائل فون اور دیگر گھریلو سامان، مصطفی آباد میں جبران اور فیملی سے 3 لاکھ 35 ہزار روپے‘ زیورات اور موبائل فون، داتا دربار میں رمضان سے 2 لاکھ 90 ہزار‘ موبائل فون، لیاقت آباد میں منصور سے 2 لاکھ روپے اور موبائل فون، مزنگ میں فرید سے ڈیڑھ لاکھ  اور موبائل فون، لوئر مال میں امجد سے ایک لاکھ روپے‘ موبائل فون، اچھرہ میں مرتضیٰ سے 44 ہزار روپے اور موبائل فون، قائد اعظم انڈسٹریل اسٹیٹ میں سراج سے موبائل فون اور 9 سو روپے نقدی لوٹ لی اور فرار ہو گئے۔ چوروں نے ہئیر میں عابد علی کے گھر سے 4 لاکھ روپے‘ زیورات اور دیگر سامان چوری کر لیا۔ چوروں نے ڈیفنس، غالب مارکیٹ اور جوہر ٹاؤن  سے 3 گاڑیاں جبکہ مسلم ٹاؤن، ہنجروال، نواب ٹاؤن، کاہنہ، شمالی چھاؤنی، فیصل ٹاؤن اور شیرا کوٹ سے 7موٹر سائیکلیں چوری کر لی ہیں۔