جھل مگسی  میں باراتیوں پر نامعلوم افراد کی فائر نگ ،2بھائیوں سمیت 3افرادجاں بحق

کوئٹہ (آئی این پی) بلوچستان کے علاقے جھل مگسی میں باراتیوں پر فائرنگ سے 2  سگے بھائیوں سمیت 3 افراد جاں بحق ہوگئے۔ لیویز کے مطابق  اتوار کی صبح تحصیل گنداواہ کے علاقے کوٹڑہ سے شادی کے بعد بارات لیکر کوئٹہ جانے والے دولہے کے دو سگے بھائی، تیسرا رشتے دار موٹرسائیکل پر باراتیوں کے آگے کچھ فاصلے پرجا رہے تھے کہ  پتری کے قریب مسلح افراد نے گھات لگا کر انہیں جدید اسلحے سے فائرنگ کرکے قتل کردیا۔ ورثاء نے قتل کا الزام اپنے رشتہ داروں پر لگا دیا۔ واقعہ کے بعد لیویز موقع پرپہنچ گئی۔ تینوں مقتولین کی میتیں ڈسٹرکٹ ہیڈکوارٹر ہسپتال گنداواہ منتقل کردی گئیں۔