پولیس کے مطابق سرجانی ٹاؤن میں لیاری ایکسپریس وے کے قریب فائرنگ سے ایک شخص ہلاک ہوگیا ۔ نارتھہ ناظم آباد میں ایک نوجوان گولیوں کا نشانہ بن گیا بوہرہ پیرمیں صدیقی مسجد کے قریب مسلح موٹر سائیکل سواروں نے ایک دکان پر فائرنگ کردی جس کے نتیجے میں پچیس سالہ نوجوان موقع پر ہی جاں بحق ہو گیا ۔ نارتھ ناطم آباد کے علاقے نیازی کالونی میں مسلح افراد نے گھرمیں گھس کرپینتالیس سالہ شخص کو قتل کر دیا ،گلشن اقبال میں بیت المکرم مسجد کے قریب فائرنگ سے ایک شخص مارا گیا ،ادھر جمشید کوارٹر میں پینتیس سالہ شخص کوگولی مار دی گئی۔ کورنگی سو کوارٹر میں نامعلوم افراد کی فائرنگ سے ایک نوجوان ہلاک ہو گیا ۔ جیکسن کے علاقے میں تین ،گلستان جوہر میں دو جبکہ سعید آبادمیں تین افراد کو گولیاں مار کر زخمی کر دیا گیا ۔تمام واقعات کے مقدمات درج کر لیے گئے ہیں ،تاہم کسی بھی ملزم کی گرفتاری عمل میں نہیں آسکی۔