انٹيلی جنس ذرائع کے مطابق لاہور کے علاقے لاری اڈا سے  گرفتار ہونے والوں ميں قاری غلام رسول اوڈھو، سوناب گل اورعمر گل شامل ہيں ۔ قاری غلام رسول اوڈھو کا تعلق صادق آباد کے علاقہ ماچھی کوٹ سے ہے جو جنوبی پنجاب کے مدرسوں ميں زيرتعليم نوجوان طالب علموں کی برین واشنگ کرکے انہیں خودکش حملوں میں استعمال کرنے کا ماہر ہے ۔ سوناب گل اورعمرگل پنجابی طالبان اور کالعدم تحريک طالبان ميں رابطہ کا کام سرانجام ديتے تھے۔ ذرائع کا کہنا ہے کہ ملزم سیکورٹی فورسز سے بچنے کے لئے لاہور میں موٹرسائیکل رکشوں اورویگنوں میں سفر کرتے تھے۔ مبينہ دہشت گردوں کے قبضے سے دو پستول، گولياں، موبائل فونز، سمیں، درجنوں شناختی کارڈ  اور بم ميں استعمال ہونے والا سامان برآمد ہوا ہے۔ تينوں مبينہ دہشت گردوں کو مزيد تفتيش کے لئے نامعلوم مقام پر منتقل کرديا گيا