گوجرانوالہ (نمائندہ خصوصی) قربانی کا بچھڑا گھر کی چھت پر چڑھ گیا، زمین پر لاتے لاتے بچھڑا اور دو افراد زخمی ہو گئے۔ تفصیلات کے مطابق ڈنگہ پھاٹک کے محمد آصف نے قربانی کے لئے 50 ہزار روپے کا گائے کا بچھڑا خرید کر اپنے گھر کے باہر باندھ رکھا تھا جو رسہ تڑوا کر بھاگنے لگا اور چھت پر چڑھ گیا، چھوٹی راہدری اور تنگ زینوںکی وجہ سے بچھڑے کی واپسی مشکل ہو گئی جس پر بچھڑے کے مالک محمد آصف نے مدد کے لئے پورے محلے کو اکٹھا کر لیا، تقریباً 20 افراد بچھڑے کو اتارنے کے لئے ڈیڑھ گھنٹے تک کوششیں کرتے رہے اور خدا خدا کر کے بچھڑے کو زمین پر لایا گیا۔ بچھڑے کا مالک محمد آصف اور ایک ہمسایہ زخمی ہو گئے۔