دورہ نیوزی لینڈ کیلئے وسیم باری کو قومی کرکٹ ٹیم کا منیجر برقرار رکھنے کا فیصلہ

لاہور( نمائندہ سپورٹس) وسیم باری کو دورہ نیوزی لینڈ کے لیے بھی قومی ٹیم کا مینجر برقرار رکھنے کا فیصلہ کیا گیا ہے۔ ذرائع کا کہنا ہے کہ چیئرمین کرکٹ بورڈ نے آئندہ ماہ ہونیوالے دورے کے لئے ٹیم کے موجودہ مینجر پر ہی اعتماد برقرار رکھا ہے۔ چند روز سے اس پوزیشن کے لئے مختلف خبریں گردش میں تھیں۔ ذرائع کے مطابق سابق ٹیسٹ کرکٹر ندیم خان بھی قومی ٹیم کے مینجر کے عہدے کے مضبوط امیدوار سمجھے جارہے تھے لیکن شہریار خان نے وسیم باری کو ہی برقرار رکھنے کا فیصلہ کیا ہے۔