’’بیٹھک‘‘ پنجابی زبان کا لفظ ہے ہم اسے دیوان خانہ، نشست گاہ، ڈرائنگ روم کے علاوہ مجلس اور محفل بھی کہہ سکتے ہیں۔ ماس کمیونیکیشن ڈیپارٹمنٹ (ادارہ علوم ابلاغیات) پنجاب یونیورسٹی نے ’’یونیورسٹی بیٹھک‘‘ کے نام سے پروگرام کا آغاز کیا ہے۔ یہ پرو گرام ماس کمیونیکیشن ڈیپارٹمنٹ آڈیو وڈیو سیکشن پنجاب یونیورسٹی ٹیلی ویژن کے تحت نشر ہوتا ہے جس کے انچارج پروفیسر ڈاکٹر عامر محمود باجود ہیں۔ ڈاکٹر باجوہ صاحب نے ایک ملاقات میں بتایا کہ ’’بیٹھک‘‘ کے ذریعے پنجابی زبان و ادب اور ثقافت کو فرو غ دیا جائے گا۔ یہ ہفت روزہ پروگرام ہو گا۔ ہر ہفتے پروگرام میں پنجابی زبان و ادب کی معروف شخصیت کو مدعو کیا جائے گا۔ پروگرام کی میزبان ڈاکٹر نبیلہ رحمن (چیئر پرسن شعبہ پنجابی پنجاب یونیورسٹی) ہیں۔
ڈاکٹر نبیلہ رحمن پنجابی زبان و ادب کی معروف محقق، نقاد، افسانہ نگار اور شاعرہ ہیں تحقیق و تنقید پر ان کی سات کتابیں چھپ چکی ہیں جبکہ کہانیوں کی کتاب طباعت کے مراحل میں ہے۔ ڈاکٹر نبیلہ رحمن نے 2002 ء میں ’’پنجابی شاعری دے ارتقا وچ قادریاں دا حصہ‘‘ کے موضوع پر پی ایچ ڈی کا مقالہ لکھا۔ اب تک ان کی زیر نگرانی پندرہ سٹوڈنٹس پی ایچ ڈی کر چکے ہیں۔ ڈاکٹر نبیلہ 16 اگست کو شعبہ پنجابی کی سربراہ ہوئیں تب سے وہ شعبہ پنجابی کی بہتری کے لئے بہت کام کر رہی ہیں۔ انہوں نے شعبہ پنجابی کے تحت اپنی نگرانی میں پنجابی ملی نغمہ لکھوایا اور ریکارڈ کروایا۔ اس ملی نغمے کو سننے کا مجھے بھی موقع ملا یہ تمام تر کاوش نبیلہ رحمٰن کی ہے۔ شعبہ پنجابی کے پی ایچ ڈی کے طالب علم مرلی چوہان نے اس نغمے کو لکھا اور شعبے کی ایک طالبہ نسرین اختر نے اسے گایا۔ پہلا بند ملاحظہ کریں۔ …؎
میری جِند تے میری جان
میرا سوہنا پاکستان
اپنے وطن توں پیارے وطن توں
میرا تن من دھن قربان
آن بان میری جان
میرا دین ایمان ہے پاکستان
ادارہ علوم ابلاغیات کے تحت پنجاب یونیورسٹی ٹیلی ویژن کی نشریات چار پانچ سال سے جاری ہیں۔ اس کا اپنا سٹوڈیو، کنٹرول روم اور لیب ہے۔ ایف ایم ریڈیو کی نشریات بھی on air جا رہی ہیں۔ پنجاب یونیورسٹی ٹیلی ویژن اور ریڈیو مستقبل کے صحافیوں کے لیے معاون ہو گا۔ اس سلسلے میں ادبی وین بھی تیار ہو رہی ہے۔ پنجاب یونیورسٹی ٹی وی کا ورچوئیل یونیورسٹی کے ساتھ معاہدہ طے پا گیا ہے۔ جس کے تحت وہ ہفتے میں دو یا تین گھنٹے ان کی نشریات ٹیلی کاسٹ کریں گے۔ ان کی نشریات تقریباََ 70 ممالک میں جا رہی ہیں۔ اس سلسلے میں وائس چانسلر پروفیسر ڈاکٹر ظفرمعین ناصر کی مکمل سرپرستی حاصل ہے۔ طلبا کے مفادات کے لئے وائس چانسلر صاحب بہت کام کر رہے ہیں۔ انہوں نے بین الاقوامی کانفرنسوں کا انعقاد بھی کرایا۔ شعبہ پنجابی کے تحت پنجابی ملی نغمے کی تیاری میں بھی ڈاکٹر نبیلہ رحمن کو ڈاکٹر ظفر معین ناصر کی ’’ہلا شیری‘‘ حاصل رہی۔
’’بیٹھک‘‘ کا پہلا پروگرام راقم الحروف کے ساتھ کیا گیا۔ اسلامیہ کالج (سول لائنز لاہور) میں 1967ء میں بی اے کا طالب علم تھا۔ اس دوران میں کالج میگزین ’’فاران‘‘ کے اردو اور پنجابی حصے کا مدیر اور کالج کی پنجابی مجلس کا سیکرٹری رہا۔ اس طرح مجھے پنجابی زبان و ادب سے وابستہ ہوئے نصف صدی گزر چکی ہے۔ 25 منٹ کے پروگرام میں، میں نے نصف صدی کی روداد مختصراًََ بیان کی۔
یونیورسٹی بیٹھک کی میزبان پروفیسر ڈاکٹر نبیلہ رحمن نے ابتدا میں پروگرام کی غرض و غایت بیان کی۔ ان کے الفاظ میں ملاحظہ کیجئے۔ ’’بیٹھک‘‘ ناں اے رل کے بیٹھن دا، سانجھ دا یاں سنگت دا۔ ایس دا ناتا اے ازلاں توں علم نال، عقل نال، مت نال، سوجھ بوجھ نال، دانش نال تے سکھن نال۔ سیکھ ہمیش سجری ہوندی اے، نویں ہوندی اے، روز نویں دن ورگی۔ پرانے ویلیاں وچ جدو ڈیاں دی صحبت سنگت ای ادارہ ہوندی سی۔ بیٹھک اوس ادارے دا معتبر ناں سی۔ جتھے وڈ وڈیرے چھوٹیاں نوں اپنی حیاتی دے تجربیاں تے مشاہدیاں دی روشنی وچ سمجھاندے سن۔ اوہناں نال اپنے وچاراں دی سانجھ کردے سن تے اوہناں نوں حیاتی دیاں ان ڈٹھیاں راہاں تے ٹرن دی سوجھ، سیانف تے مت دیندے سن جیہڑی اوس ویلے دی گل ہوندی سی تے آون والے ویلے یاں بھلکھ لئی اک سیکھ یاں سمجھاؤن وی۔ اسیں سوچیا کہ پنجاب یونیورسٹی ٹی وی توں اجیہی اک بیٹھک دا پربندھ کرئیے جدھے وچ زندگی دے مختلف کھیتراں، شعبیاں دے آگوواں یاں مشہور ہستیاںنوں بلوائیے تے اوہناں دے جیون پینڈیاں دی روداد سنئیے۔ اوہناں کولوں، اوہناں دیاں کامیابیاں تے ناکامیاں اوہلے ٹکیاں کوششاں تے تجربیاں نوں تہاڈے نال سانجھا کرئیے‘‘
