اسلام آباد (اے پی پی) پاکستان کرکٹ بورڈ کے زیراہتمام جاری پینٹنگولر انڈر 19 ٹی 20 کرکٹ ٹورنامنٹ میں پنجاب اور سندھ کی ٹیموں نے اپنے، اپنے میچز جیت لئے۔ بدھ کے روز ملتان اسٹیڈیم میں کھیلے گئے میچ میں پنجاب نے فیڈرل ایریا کی ٹیم کو 2 وکٹوں سے ہرا دیا، فیڈرل ایریا نے 8 وکٹوں کے نقصان پر 123 رنز بنائے جواب میں پنجاب کی ٹیم نے مطلوبہ ہدف 19.5 اوورز میں 8 وکٹوں کے نقصان پر پورا کیا، احتشام الحق نے 40 اور حسن ڈار نے 34 رنز بنا کر ٹیم کو کامیابی دلائی، دوسر ے میچ میںسندھ نے بلوچستان کو 115 رنز سے ہرا دیا، سندھ کی ٹیم نے پانچ وکٹوں کے نقصان پر 176 رنز بنائے، محمد طحہ خان نے تین چوکوں اور دو چھکوں کی مدد سے 57 رنز اور صائم ایوب نے تین چوکوں اور دو چھکوں کی مدد سے 54 رنز بنائے،جواب میں بلوچستان کی ٹیم 18.4 اوورز میں 61 رنز بنا کر آئوٹ ہوگئی ۔