کراچی(اسپورٹس رپورٹر)سندھ اسپورٹس بورڈ امیچر رینکنگ بیڈمنٹن ٹورنامنٹ کے سنگلز فائنل میں اعصاب شکن مقابلے کے بعد معاذ علی نے طلحہ علی کو1-2سے ہراکر فاتح ٹرافی پر اپنا قبضہ جمالیا۔ مکس ڈبل فائنل میں ایک کانٹے دار مقابلے کے بعد روشین اور وقار علی نے طلحہ علی اور دعاکو1-2 کی شکست سے دوچار کرکے فاتح ٹرافی اپنے شوکیس کی زینت بنالی۔ خواتین کا فائنل روشین اعجاز اور مریم حنیف کے درمیان کھیلا گیا جسے روشین اعجاز نے0-2سے جیت کر فاتح ٹرافی اپنے نام کی۔ قبل ازیں سیمی فائنل اور فائنل مقابلے کھیلے گئے، خواتین سنگلز سیمی فائنل میں روشین اعجاز نے صفیہ ناصر کو2-5،4-2سے شکست دی دوسرے سیمی فائنل میں مریم نے دعا کو21-18-21-19-21-16 سے زیر کیا، مردوں کے سنگلز مقابلوں میں معاش علی نے عمران علی کو21-10-21-12سے جبکہ طلحہ علی نے محمد اسماعیل کو21-13-21-5 کی شکست سے دوچار کرکے فائنل کے لئے کوالیفائی کیا، مکس ڈبل سیمی فائنل میں روشین اور وقار علی نے سید عمیر اورمریم کی جوڑی کو 21-4-21-18-2 1-16سے جبکہ طلحہ علی اور دعا کی جوڑی نے سید رضا اور عائشہ کو21-6-21-15سے شکست دی۔