شاہدآفریدی کے اعزاز میں استقبالیہ 2 نومبر کوہوگا

کراچی (اسپورٹس رپورٹر ی)السید اسپورٹس کمیٹی فروٹ منڈی کی جانب سے سابق کپتان قومی کرکٹ ٹیم شاہدآفریدی کے اعزاز میں 2 نومبر کو شاندار استقبالیہ نیو فروٹ منڈی ۔ سبزی منڈی سپر ہائی وے پر دیا جارہا ہے جس کی تیاریاں زور شور سے جاری ہیں، اس حوالے سے آرگنائزنگ کمیٹی کا ایک اہم اجلاس محمود سدرو کی صدارت میں ہوا جس میں پروفیسر سراج السلام، اکرام اللہ، اسد شاہ، محبوب عالم، ماجد شاہ، صداقت کشمیری، اور کامران رفیع نے شرکت کی، اجلاس سے خطاب کرتے ہوئے محمود سدرو نے کہا کہ لیجنڈ کرکٹر کے اعزاز میں ہونے والا یہ استبالیہ تاریخی ہوگا جس کے انتظامات کو حتمی شکل دی جارہی، سیکوریٹی کے انتظامات کیلئے پولیس اور رینجرز کو خط ارسال کردئے گئے ہیں جبکہ میڈیا کیلئے مین اسٹیج کے دائیں جانب خصوصی اسٹیج بنایا جائے گا، سو سے ذیادہ والینٹرز انتظامات پر مامور ہونگے۔ کمیٹی کے وائس چیرمین پروفیسر سراج السلام بخاری نے کہا کہ شاہد آفریدی نے 20 سال پاکستان کرکٹ کیلئے خدمات انجام دی ہیں اور بے شمار میچز میں پاکستان ان کی شاندار کارکردگی کی بدولت فتح یاب ہوا، ہماری کوشش ہوگی کہ اس عظیم کرکٹر کے اعزاز میں ہونے والا یہ استقبالہ ان کی شان کے مطابق ہو۔ محبوب عالم، اسد شاہ ، ماجد شاہ اور اکرام االلہ نے بتایا کہ متعدد ٹیسٹ کرکٹرز کو تقریب میں مدعو کیا جائے گا، مجوزہ تقریب کے بینزرز عنقریب فروٹ، سبزی منڈی پر آویزاں کردیے جایئنگے۔