لاہور(نامہ نگار)ڈی آئی جی آپریشنز لاہور اشفا ق خان کی ہدایت پر ایس پی ہیڈ کوارٹرز سید کرارحسین کی زیرنگرانی پولیس لائنز قلعہ گجر سنگھ میںجاری میڈیکل کیمپ کے تیسرے روز بھی پولیس افسران واہلکاروں کے بلڈ ٹیسٹ کئے گئے۔ میڈیکل کیمپ کا انعقاد محکمہ صحت کے ہیپاٹائٹس کنٹرول پروگرام کے تعاون سے کیا گیا۔ہیپا ٹائٹس بی، سی کے مفت ٹیسٹ کے ساتھ ساتھ ہیپاٹائٹس سے بچاؤ کیلئے ویکسی نیشن بھی کی جارہی ہے۔