اورنج لائن ٹرین منصوبہ شہباز حکومت کا عجوبہ ہے:سعدیہ تیمور

لاہور(لیڈی رپورٹر) پاکستان مسلم لیگ (ن) کی رکن پنجاب اسمبلی سعدیہ تیمور نے کہا ہے کہ اورنج لائن ٹرین منصوبہ شہباز حکومت کا عجوبہ ہے ، شہباز شریف نے پنجاب میں مثالی کام کئے آج بھی عوام انہیں یاد کررہے ہیں انکے میٹروبس پراجیکٹ سے آج بھی لاکھوں افراد روزانہ مستفید ہورہے ہیںموجودہ حکومت ن لیگ کا مقابلہ نہیں کرسکتی ، ن لیگ نے دس سالوں میں پنجاب کا نقشہ تبدیل کیا ان گنت منصوبے شروع کئے عوام پھر مسلم لیگ ن کی طرف دیکھ رہے ہیں ، انہوں نے کہاکہ پنجاب میںتبدیلی سرکارکی صفائی مہم بری طرح ناکام ہوگئی ہے ، ہر طر ف گندگی کے ڈھیر ہیں جو حکومت صفائی نہیں کرسکتی وہ تعمیراتی منصوبے کس طرح تشکیل دے سکتی ہے ماحول کو بہتر بنانے کے اعلانات بھی خاک میں مل گئے ، محکمہ ماحولیات کڑوڑوں روپے کا بجٹ استعمال نہ کرسکا ہر شعبہ کی کارکردگی انتہائی ناقص ہے ۔