لاکھوں کے 7 ڈاکے‘ مانگا منڈی میں پولیس وردیاں پہن کر 3 گھروں کا صفایا

لاہور (نامہ نگار) لاہور میں مختلف مقامات پر ڈکیتی، چوری اور راہزنی کی متعدد وارداتوں میں شہریوں سے لاکھوں روپے مالیت کی نقدی،طلائی زیوارات،موبائل فون، موٹرسائیکلیں، گاڑیاں اور دیگر سامان لوٹ لیا گیا۔ تفصیلات کے مطابق مانگا منڈی میں ڈاکوؤں نے پولیس کی وردیاں پہن کر ایک ہی رات میں تین گھروں کا صفایا کرتے ہوئے 16 تولے طلائی زیورات اور آٹھ لاکھ روپے نقدی لوٹ لی اورفرار ہو گئے۔ ڈیفنس سی میں ذیشان کے گھر اسلحہ کے زور پر اہلخانہ کو یرغمال بنا کر 7 لاکھ55 ہزار روپے مالیت، وحدت کالونی میں عبدالمنان  کے گھر سے اسلحہ کے زور پر 6لاکھ10ہزار روپے مالت، شالیمار میں فہیم اور فیملی سے4لاکھ 35ہزار روپے مالیت،گلشن راوی میں اکمل اور فیملی سے 3 لاکھ 65 ہزار روپے مالیت کی نقدی، طلائی زیورات، موبائل فون اور دیگر سامان لوٹ لیا گیا۔ فیصل ٹاون میں عمر سے موٹر سائیکل سوار ڈاکوو?ں نے گن پوائنٹ پر 67ہزاررولے،گھڑی اورموبائل فون، اقبال ٹاؤن میں قدیر سے 33 ہزار روپے اور موبائل فون، لاری اڈہ میں اللہ رکھا سے 20 ہزار روپے اور موبائل فون لوٹ لیا گیا۔ چوروں نے ریس کورس اور گرین ٹاون  سے دو گاڑیاں جبکہ نولکھا، شاہدرہ اور ہربنس پورہ سے تین موٹر سائیکلیں چوری کر لیں۔