فیروزوالہ :دوبھائیوں کی فائرنگ سے دکاندارقتل

فیروزوالہ+کاہنہ( نامہ نگاران) لاہور شیخوپورہ روڈ کی آبادی اقبال ٹائون میں دو سگے بھائیوں نے ساتھی کی مدد سے فائرنگ کرکے دکاندار  عظیم اختر کو ہلاک کر دیا ملزمان فرار ہو گئے ۔ بتایا گیا ہے کہ اقبال ٹائون کا رہائشی محمد عظیم اختر اپنے بھائی منظوراحمد کے ہمراہ بلڈنگ میٹریل سٹور کی دکان پر موجود تھے کہ اسی دوران موٹر سائیکل سوار دو سگے بھائی احمد اور محمد آئے جنہوں نے فائرنگ کرکے محمد عظیم اختر کو شدید زخمی کر دیا جسے طبی امداد کیلئے لایا جا رہا تھا کہ راستے میں دم توڑ گیا ۔