ملتان ،کوٹ ادو (نمائندہ نوائے وقت،خبر نگار) ٹی 20ورلڈ کپ میں پاکستان کی انڈیا کے خلاف تاریخی کامیابی پر ملتان اور کوٹ ادو میں جشن کا سماں پیدا ہو گیا میچ ختم ہوتے ہی شائقین کرکٹ گھروں اور ھوٹلوں سے باہر سڑکوں پر نکل آئے اور پاکستان زندہ باد کے نعرے لگانے شروع کر دیئے شہر کی تمام شاہرات پر کرکٹ متوالے ٹولیوں کی شکل میں جمع ہوگئے اور ڈھول کی تھاپ پر بھنگڑے ڈالتے رہے آتش بازی بھی کی گئی۔کرکٹ شائقین رات گئے تک پاکستان کی جیت کی خوشی مناتے رہے اور ایک دوسرے میں مٹھائی تقسیم کرتے رہے۔