آل پاکستان ٹین پن باؤلنگ رینکنگ ٹورنامنٹ کا آج سے شروع ہوگا

ملتان(سپورٹس ڈیسک)آل پاکستان ٹین پن باؤلنگ رینکنگ ٹورنامنٹ کا 25 سے 30 اکتوبر تک ارینا کلب کارساز میں انعقاد کیا جائے گا۔جس کے دوران ملک بھر کے ایک ہزار سے زائد باؤلرز پانچ مختلف کیٹیگریز میں ایکشن میں نظر آئیں گے۔ٹورنامنٹ ڈائریکٹر و پی ٹی بی ایف کے سینئر نائب صدر خواجہ احمد مستقیم کے مطابق ایونٹ میں تین لاکھ روپے مالیت کے کیش ایوارڈز دیئے جائیں گے اور ابتدائی دو روز انٹر اسکول اور ڈیف خصوصی بچوں کے درمیان مقابلوں کے بعد 27 اکتوبر کو امیچور کیٹیگری جبکہ 28 اور 29 اکتوبر کو ماسٹرز سنگل کیٹیگری مقابلے ہوں گے اور 30 اکتوبر کو ماسٹرز سنگل کیٹیگری کے فائنلز اور میڈیا کیٹیگری ایونٹ ہوگا۔