شائقین کا پاکستان بھارت کرکٹ بحالی کا مطالبہ

لاہور(سپورٹس رپورٹر) ٹی20 ورلڈ کپ میں پاکستان اور بھارت کے درمیان میچ سے قبل شائقین نے دونوں ایشیائی ممالک سے امن کے قیام اور دونوں ٹیموں میں مزید کرکٹ میچوں کے انعقاد کا مطالبہ کیا ہے۔دونوں روایتی حریفوں کے درمیان کھیلے جانیوالے ٹورنامنٹ کے اہم ترین میچوں میں سے ایک میچ کو تقریباً ایک ارب ناظرین ٹیلی ویژن پر دیکھا۔متحدہ عرب امارات میں کام کرنیوالے پاکستانی  محمد اشرف نے کہا کہ ہمیں ایک دوسرے کے ساتھ زیادہ میچز کھیلنے چاہئیں، دونوں ٹیموں کو کرکٹ کے میدان پر کھیلتے ہوئے دیکھنا بہت اچھا لگتا ہے۔   بھارتی سیاستدانوں کو اپنے مفادات کیلئے یہ سب کچھ خراب نہیں کرنا چاہیے، انہیں کرکٹ کھیلنے دیں، میں دونوں ممالک کے درمیان امن کیلئے دعاگو ہوں۔ابوظہبی میں کام کرنیوالی بھارتی شائق پنکھوری راج مہتا نے کہا کہ جیسے ہی ٹکٹ کوآن لائن فروخت کیلئے پیش کیا گیا تو میں اسے خرید لیا تھا، دبئی میں ٹیکسی چلانے والے پاکستانی ڈرائیور حسن شیخ نے کہا کہ بابر اعظم کی قیادت میں ہماری ٹیم اچھی ہے اور ہماری باؤلنگ بہت اچھی ہے جبکہ شاہین شاہ آفریدی اور حسن علی بھارت کو ناکوں چنے چبوائیں گے۔پاکستان بھارت کے ہرانے کے ساتھ ساتھ ورلڈ کپ بھی جیتے گا انشاء اللہ ۔