انگولا ، ٹریفک حادثہ کے باعث 10 افراد ہلاک، 4 زخمی

انگولا کے جنوبی علاقہ میں ایک ٹریفک حادثے کے باعث 10 افراد ہلاک اور 4 دیگر زخمی ہو گئے ہیں۔پولیس کے مطابق یہ حادثہ ہفتہ کی شام انگولا کے جنوبی ضلع چھیبیا میں صوبہ ہوئلا اور کنینے کو جوڑنے والی انگولا قومی شاہراہ 105 پر ہوا جہاں ایک ٹرک ایک وین ٹیکسی سے ٹکرا گیا جس میں 14 افراد سوار تھے۔ہوئلا میں قومی پولیس کی صوبائی کمانڈ کے چیف انسپکٹر فرنانڈو ٹونگو کے ترجمان کے مطابق حادثے کی وجہ تیز رفتاری تھی جس سے وین مکمل طور پر تباہ ہوگئی۔ٹو نگو نے مزید کہا کہ10 متاثرین کی جائے وقوعہ پر موت ہو گئی اور 4 زخمیوں کو طبی امداد دی جا رہی ہے۔ٹونگو کے مطابق زخمیوں میں سے 2 کی حالت تشویشناک ہے اور انہیں انتہائی نگہداشت کے یونٹ میں داخل کرایا گیا ہے۔