جمبر(نامہ نگار) پتوکی پھول نگرسرکل میںٹریفک قوانین پر سختی سے عمل درآمد نہ کرنے والے ڈرائیوروں کیخلاف قانونی کارروائی کی جائے گی۔ شدید دھند میںغیر ضروری سفرسے پرہیز کریںتاہم دوران سفر ڈرائیور حضرات اپنی گاڑیوں پر فوگ لائٹس لگوائیں تاکہ کسی قسم کا حادثہ رونما نہ ہوسکے ۔ سرکل پتوکی پھول نگر میں بلا لائسنس اور بغیر کاغذات گاڑی چلانے والے ڈرائیوروں کے خلاف مقدمات درج کروائے جائیں گے یہ باتیں سرکل ٹریفک انچارج تحصیل پتوکی وقار باجوہ سب انسپکٹر نے پنجاب پریس کلب آفس میں روزنامہ نوائے وقت کو پریس بریفنگ کے دوران بتائیں اس موقع پر سب انسپکٹر محمد یونس اور دیگراہلکاربھی موجود تھے۔