عوامی فلاح وبہبود کیلئے ہمیشہ کردار ادا کرتا رہوںگا:چوہدری توصیف

شیخوپورہ(نمائندہ خصوصی)جماعت اسلامی کی مشاورتی کونسل کے ممبر اور این اے 120 کے ٹکٹ ہولڈر چودھری توصیف نے کہاہے کہ کراچی کے بعد راولپنڈی میں مجھ پر قاتلانہ حملہ کرنیوالوںکا سراغ لگانے کیلئے اپنی خفیہ ٹیموں کے ذریعے کام شروع کردیا ہے بہت جلد پریس کانفرنس کرکے اصل حقائق کو منظر عام پر لائونگا جماعت اسلامی کے پلیٹ فارم سے الیکشن میں حصہ اور عوامی خدمت فلاح وبہبود کیلئے عملی اقدامات اٹھانے کیساتھ ساتھ رز ق حلال کے حصول کیلئے کاروبارکررہا ہوں ایسا محسوس ہوتا ہے کہ میرے سیاسی مخالفین نے بزنس پارٹنرز کو ہی ہائیر کرلیا ہے جس کی وجہ سے میری تمام تر سیاسی موومنٹ اور کاروباری مصروفیات ٹیلی فونک دھمکیاں دینے والوں کے پاس ہیں ان خیالات کااظہارانہوںنے میڈیا کے نمائندوں سے گفتگو کرتے ہوئے کیا اس موقع پر معززین کی بڑی تعدادبھی موجودتھی چودھری محمدتوصیف نے کہاکہ عوام کی فلاح وبہبود کیلئے ہمیشہ صف اول میںکھڑے تھے کھڑے ہیں اور انشاء اللہ کھڑے رہیںگے ۔