ڈاکے و چوریاں، پی پی رہنما ایڈون سہوترا کی والدہ سمیت متعدد شہری لٹ گئے 

 لاہور(نامہ نگار) ڈاکوئوںاور چوروںنے  متعدد شہریوں سے لاکھوں روپے زیورات،موبائل فون، گاڑیاں ، موٹر سائیکلیں اور دیگر سامان لوٹ لیا ہے ۔ڈیفنس بی کے  میں خاتون شمیم برکت اپنے پوتوں کو سکول چھوڑ کرواپس  آ رہی تھیںکہ اے ڈی روڈ  پرتین ڈاکوؤں نے  گن پوائنٹ پر ہاتھوں کے کنگن  کٹر سے کاٹ لئے، چوڑیاں اور طلائی چین لوٹ لی۔خاتون شمیم برکت بازوپر کٹر لگنے سے زخمی ہو گئیں۔نقصان کی مالیت16لاکھ روپے بتائی جاتی ہے ۔متاثرہ خاتون پیپلز پارٹی کے رہنما  ایڈون سہوترا کی والدہ ہیں۔  جوہر ٹاؤن کے  بی بلاک میںحساس ادارے کے ریٹائرڈ افسر کے گھر میں اہلخانہ کو یرغمال بنا کر 13 لاکھ ، پرائز بانڈاور  زیورات، ڈیفنس سی میںملک خادم سے گن پوائنٹ پر2 لاکھ28 ہزار  موبائل فون،سندر میں  غلام عباس سے ڈیڑھ لاکھ روپے  موبائل فون، راوی روڈ  میں فیصل سے 75 ہزار اور موبائل فون ،کوٹ لکھپت  میںمزمل سے13 ہزار ،مانگا منڈی میں عدنان سے6 ہزار  اور موبائل فون ،ماڈل ٹاؤن  میں  پرویز سے 5 ہزار روپے اور موبائل فون ،اسلام پورہ  میں نعمان سے3 ہزار  اور موبائل فون لوٹ لیا  ۔ چوروں نے شادمان میں سلیمان کے گھر سے 3لاکھ ، زیورات اور دیگر سامان مصطفی ٹاؤن، مصری شاہ اور لوہاری گیٹ سے3 کاریں، شاہدرہ ٹاؤن  سے رکشہ جبکہ گرین ٹاؤن،جنوبی چھاؤنی، باغبانپورہ، برکی، مانگا منڈی، سندر اور چوہنگ  سے7موٹر سائیکلیں چوری کر لیں ۔
ڈاکے