منصور گیلانی کی موت سے ہونےوالا خلا صدیوں پر نہیں ہو گا، راجہ جاوید اشرف 

 مندرہ(نامہ نگار)موت ایک اٹل حقیقت ھے جس سے انکار ممکن نہیں سید منصور گیلانی کی موت سے ہونےوالا خلا صدیوں پر نہیں ہو گا مرحوم ایک شریف اور نیک سیرت انسان تھے اہلخانہ اور دوست احباب کےلئے ان کی موت کسی بڑے سانحے سے کم نہیں ان خیالات کا اظہار پیپلز پارٹی تحصیل گوجرخا ن کے سرپرست اعلی راجہ جاوید اشرف نے مدیکالہ میں پیر سید ذوالفقار علی شاہ گیلانی کے داماد، سید ضامن عباس اور سید حسن عباس کے بہنوئی سید منصور گیلانی جو سپین میں ایک روڈ حادثے میں انتقال کر گئے تھے کی وفات پر تعزیت کا اظہار کرتے ہوئے کیا۔راجہ جاوید اشرف نے کہا کہ سپیکر قومی اسمبلی راجہ پرویز اشرف بھی سید منصور گیلانی کی وفات پر اہلخانہ کے دکھ میں برابر کے شریک ہیںاور وہ جلد ہی حاضرہو کر اہلخانہ سے دلی افسوس اور ہمدردی کا اظہار کریں گے۔راجہ جاوید اشرف نے مرحوم کی بخشش و بلندی درجات کےلئے فاتحہ خوانی بھی کی اس موقع پر سید مختار گیلانی،سید مجاہد گیلانی،سید ضامن عباس،شیخ خالد,چوہدری اقلیم،ظہیر بھٹی،راجہ علی،امتیاز شوکت و دیگر بھی موجود تھے۔