ہارون آباد (نامہ نگار)  بھارت کیخلاف پاکستان کے میچ کے دوران بدترین امپائرنگ کے حوالے سے ہارون آباد کے شائقین کرکٹ نے شدید ردعمل کا اظہار کرتے ہوئے اسے عالمی کرکٹ کے لیے نقصان دہ قرار دیا ہے۔سنسنی خیز لمحات میں نوبال سمیت امپائر کے زیادہ تر فیصلے بھارت کی جانب ان کے جھکاؤ کا اشارہ دے رہے تھے اور اس قسم کے کلوز میچ میں ایک نوبال ہی ہار جیت میں بنیادی فرق ثابت ہو سکتی ہے۔کرکٹ کے امیج کو بہتر بنانے کیلئے آئی سی سی کو امپائرنگ کے معیار پر توجہ دینا ہوگی۔شائقین کرکٹ زین ندیم،محمد احمد،محمد ارحم،عمر عارف،عبداللہ فیصل،عمار حبیب، محمد نعیم و دیگر نے کہا کہ کھیل میں ہارجیت ہوتی ہے لیکن جب منصف ہی کسی ٹیم کو جتوانے کی کوشش کریں تو کھیل کا لطف اور مقصد ختم ہو جاتا ہے۔