اسلام آباد(نا مہ نگار) چیف ایگزیکٹو آئیسکو،ڈاکٹرمحمد امجد خان نے کہا ہے کہ کھلی کچہریوں کا انعقاد صارفین کے مسائل جاننے کے لئے بہترین فورم ہیں۔تمام آپریشن سرکلز میں منعقد ہونے والی کھلی کچہریوں کا شیڈول جاری کر دیا گیا ہے، اسلام آباد سرکل( بمقامF-11سب ڈویژن آئیسکو، اسلام آباد)، راولپنڈی سٹی سرکل(بمقام موسی ہال نزد شکریال سی این جی، سروس روڈراولپنڈی)، راولپنڈی کینٹ سرکل(بمقام مندرہ سب ڈویژن، نزد بھٹی شادی ہال)، اٹک سرکل(بمقام ہٹیاںسب ڈویژن )، جہلم سرکل(بمقام بیول سب ڈویژن)اورچکوال سرکل(بمقام ڈھڈیال سب ڈویژن، نزد پولیس اسٹیشن ڈھڈیال)کے ایس ایز صاحبان آج دن10:00بجے تا دن12:00بجے تک کھلی کچہری لگائیں گے اور صارفین کے مسائل موقع پر حل کرنے کے لئے ضروری ہدایات جاری کریں گے۔