یوٹیلٹی سٹورز پر چینی 8 روپے کلو مہنگی، قیمت 155 روپے ہو گئی 

لاہور (کامرس رپورٹر) یوٹیلٹی سٹورز پر ایک کلو چینی کی قیمت میں 8روپے کا اضافہ کر دیا گیا ہے جس سے عام صارفین کے لئے ایک کلو چینی کی قیمت 147 روپے سے بڑھ کر 155 روپے جبکہ بے نظیر انکم سپورٹ پروگرام کے کارڈ ہولڈرز کے لئے ایک کلو چینی کی قیمت 101 روپے سے بڑھ کر 109 روپے ہو گئی ہے۔ یوٹیلٹی سٹورز کی جانب سے جاری کردہ نوٹیفکیشن کے مطابق چینی کی قیمتوں میںاضافے کا اطلاق فوری طور پر قابل عمل ہوگا۔