لاہور (کلچرل رپورٹر) بک رائٹرز کلب کے چیئرمین ایم سرور اور سیکرٹری جنرل عاطف رحمن نے مشترکہ بیان میں کہا لاہور پریس کلب کے زیر اہتمام کتاب میلے کا انعقاد احسن اقدام ہے بک رائٹرز کلب کا مشن بھی کتاب کلچر کو فروغ دینا ہے۔ بک ہوم کے بانی چیئرمین رانا عبدالرحمن کے مشن کو آگے بڑھانا ہے۔ کتاب کو گھر گھر پہنچانا ہے۔ اس ضمن میں لاہور پریس کلب کا کتاب میلہ اہمیت کا حامل ہے۔ یہ میلہ 25 تا 27 اکتوبر 3 دن جاری رہے گا۔ وقت صبح 11 سے رات 10 بجے تک ہوگا۔ کتاب میلے میں ہر موضع مذہب، تاریخ، فلسفہ، سائنس، سیاست، نفسیات، شاعری، مزاح، آپ بیتیاں، سوانح، سفرنامہ، صحت، تعلیم، تہذیب، ثقافت فن اور تحقیقی پر مبنی کتب شامل ہوں گی ۔