فیروزوالہ: سابقہ رنجش‘دو گروپوں میں فائرنگ‘ دو بھائی قتل ‘ ساتھی زخمی 

 فیروزوالہ( نامہ نگار) جی ٹی روڈ کی آبادی شاہین ویلی پنڈ فیروزوالا قریب دو گروپوں کے درمیان سابقہ جھگڑے کی بنا پر تصادم جس کے نتیجہ میں قادرعرف جگا بٹ گروپ نے فائرنگ کر کے اپنے مخالف دو سکے بھائیوں ارسلان مسیح اور عمران مسیح کو ہلاک کر دیا جبکہ ان کے دوست ولید کو زخمی کر دیا۔ شاہین ویلی کے رہنے والے قادر عرف جگا بٹ اور ارسلان مسیح کے درمیان ایک ماہ قبل جھگڑا ہوا تھا جو قادر پارٹی کے ساتھی زخمی ہو گیا تھا جس کا بدلہ لینے کی خاطر قادر بٹ نے اپنے دیگر ساتھیوں کی مدد سے گلی سے گزرتے ہوئے اپنے مخالفین پر فائرنگ کر دی۔ جس کے نتیجہ میں عمران مسیح موقع پر ہلاک جبکہ اس کا بھائی ارسلان مسیح ہسپتال میں جا کر دم توڑ گیا۔