اسلام آباد (نمائندہ  خصوصی)انجمنہول سیل فروٹ مارکیٹ کے عہدیداران کا نمائندہ وفد صدر انجمن بابو علیم کی قیادت میں اسلام آباد چیمبر آیا اور چیمبر کے نومنتخب عہدیداران اور ممبران ایگزیکٹوکمیٹی کو مبادکباد دی۔ اس موقع پر وفد کے ارکان نے چیمبر کے صدر ناصر منصور قریشی، سینئیر نائب صدر عبا الرحمان صدیقی، نائب صدر ناصر محمود چوہدری کو گلدستے پیش کئے۔ چیمبر کے صدر نے وفد کے ارکان کا شکریہ ادا کیا اور یقین دلایا کہ فروٹ و سبزی مارکیٹ کی تاجر برادری کو درپیش مسائل حل کرنے کے لئے اسلام آباد چیمبر اپنا بھر پور کردار ادا کرے گی اور اسلام آباد کے تاجروں کے لئے بنیادی سہولیات کی فراہمی اور کاروباری ماحول کو بہتر کرنے اور تجارتی سرگرمیاں بڑھانے کے لئے اسلام آباد چیمبر اپنا رول ادا کرے گی۔ انہوں نے کہا کہ چیمبر کاروباری برداری کا نمائندہ ادارہ ھے اور اس کے دروازے تاجر برادری کے لئے ھر وقت کھلے ھیں۔ اس موقع پر انجمن فروٹ مارکیٹ کے جنرل سیکریٹری  طاھر ایوب، وائس چئیرمین ملک خضر، چوہدری اظہار رؤف، بلال جمیل، احمد رضا، ارسلان رؤف، ارسلان جاوید اور دیگر ممبران بھی موجود تھے۔