پاکستان مسلم لیگ(ن)کے صدر و سابق وزیراعظم نواز شریف بیرون ملک دورے کے لیے لاہور ایئر پورٹ سے دبئی روانہ ہو گئے، لندن میں ان کی اہم ملاقاتیں متوقع ہیں۔ مسلم لیگ (ن)کے قائد نواز شریف غیرملکی ایئرلائن کی پرواز ای کے 625 کے ذریعے روانہ ہوئے، جس نے صبح 9 بج کر 22 منٹ پر اڑان بھری۔ دبئی میں نواز شریف ایک روز قیام کرنے کے بعد لندن جائیں گے۔  29اکتوبر کو لندن سے نوازشریف امریکہ جائیں گے  جہاں وہ 4 دن رکنے کے بعد واپس لندن پہنچیں گے۔ مسلم لیگ (ن)کے قائد نواز شریف کی لندن میں اہم ملاقاتیں بھی متوقع ہیں۔