امریکی وزارت دفاع  پینٹاگان نے سعودی عرب کو "ٹاؤ" میزائل فروخت کرنے کی ممکنہ ڈیل کی منظوری دے دی۔ اس سے قبل امریکا کی ڈیفنس سیکورٹی کوآپریشن ایجنسی سعودی عرب کو 50 کروڑ ڈالر کا فوجی ساز و سامان فروخت کرنے کے ممکنہ پیکج کی منظوری دے چکا ہے۔ اس حوالے سے کانگریس کو مطلع کر دیا گیا۔ پینٹاگان کے زیر انتظام مذکورہ ایجنسی نے بتایا کہ مجوزہ ڈیل امریکا کی خارجہ پالیسی اور قومی سلامتی کے اہداف کو سپورٹ کرے گی۔ مزید یہ کہ مجوزہ پیکج حال اور مستقبل میں خطرات کا مقابلہ کرنے کے حوالے سے سعودی عرب کی صلاحیت مضبوط بنائے گا۔