سوئی سدرن کی جانب سے گیس چوروں کے خلاف کارروائیوں کا سلسلہ جاری ہے۔کراچی کے علاقے کورنگی اور نیو کراچی میں گیس چوری کے خلاف کارروائیاں کی گئیں۔کراچی کے علاقے کورنگی میں دپٹ رنگ سازی کے کارخانے پر چھاپہ مارا گیا .جس میں کارخانے کے مالک الطاف بھٹی کو گرفتار کرلیا گیا۔
دوسری جانب انسداد گیس چوری کیلئے قائم محکمے سی جی ٹی او اور ریکوری نے کراچی کے علاقے نیو کراچی میں بلال سوٸیٹ کے کارخانے پر چھاپہ مارا. مٹھائی کی دکان اور بیکری کے مالک عمر حیات کو گیس چوری کرتے ہوئے گرفتار کرلیا گیا۔دونوں گیس چور کمپنی کی مین لائن سے براہ راست گیس چوری کر رہے تھے۔ ترجمان سوئی سدرن کے مطابق چھاپہ مار ٹیم نے دونوں ملزمان کو گرفتار کر کے چوری میں استعمال ہونے والا سامان تحویل میں لے لیا. چوری شدہ گیس لوڈ کے حساب سے جرمانہ عائد کیا جائے گا۔
