رینجرز نے لیاری میں علی الصبح آپریشن کا آغازکیا اور سنگھولین ،چاکیواڑہ افشانی گلی، کلاکوٹ اور دیگر
علاقوں سے متعدد مشتبہ افراد کو حراست میں لیا۔ ذرائع کے مطابق آپریشن کے دوران پیپلز پارٹی کے مقامی رہنما ظفر بلوچ کو بھی حراست میں لیا گیا تاہم تفتیش کے بعد انہیں رہا کردیا گیا۔ادھربلدیہ ٹاؤن داود گوٹھہ میں بھی آپریشن کیا گیا۔ ذرائع کے مطابق آج حراست میں لئے گئے افراد سے بھاری مقدار میں اسلحہ بھی برآمد کیا گیا ہے،گرفتار ہونے والے افراد میں سے اکثر کا تعلق سیاسی جماعتوں سے بتایا گیا ہے۔ دوسری جانب سرسید پولیس نےایک خفیہ اطلاع پر بلال کالونی نارتھہ کراچی کے علاقے میں چھاپہ مارکرسنگین وارداتوں میں ملوث دو ملزمان عامر اور بہادر کو گرفتار کرکےدو رائفلز ایک ریپیٹر اور ایک پسٹل برآمد کرلیا ہے