کراچی(سپورٹس ڈیسک )عمران شہزاد نے ورلڈ چیمپئن محمد آصف کوشکست دے کرتیسری قومی رینکنگ سنوکر چیمپئن شپ سے باہر کردیا۔ محمد بلال، عبدالستار اور شاہد آفتاب بھی سیمی فائنل میں پہنچ گئے۔ کوارٹر فائنل میں عمران شہزاد نے عالمی چیمپئن محمد آصف کو تین کے مقابلے میں پانچ فریم سے اپ سیٹ شکست دی۔ عمران کو بیسٹ آف نائن فریم کے معرکے میں ایک موقع پرچار ایک سے برتری حاصل تھی۔ محمد بلال نے خرم آغا کو پانچ ایک فریم سے آوٹ کلاس کیا۔ سندھ کے عبدالستار نے محمد سجاد کو پانچ تین فریم سے ہرایا۔ شاہد آفتاب نے عامر طارق کے خلاف پانچ ایک سے کامیابی حاصل کرکے سیمی فائنل میں پہنچ گئے ۔