لاہور (سپورٹس ڈیسک) پاکستان کرکٹ بورڈ کے زیر اہتمام جاری قومی ٹی ٹونٹی ٹورنامنٹ میں پشاور پینتھرز نے اے جے کے جیگوارز، ایبٹ آباد فالکنز نے ڈیرہ مراد جمالی کو ہرا دیا۔ اے جے کے جیگوارز کی ٹیم 81 رنز پر پویلین لوٹ گئی۔ پشاور پینتھرز نے ہدف ایک وکٹ پر پورا کر لیا۔ڈیرہ مراد جمالی کی ٹیم 83 رنز پر ڈھیر ہو گئی۔ ایبٹ آباد فالکنز نے ہدف 2وکٹوں پر پورا کر لیا۔ ایک اور میچ میں فیصل آباد وولوز نے لاہور ایگلز کو 6 وکٹوں سے زیر کر لیا۔ لاہور ایگلز نے 6 وکٹوں پر 145 رنز بنائے۔ فیصل آباد وولوز نے ہدف 4 وکٹوں پر پورا کر لیا۔ علی وقاص کو 72 رنز بنانے پر میچ کا بہترین کھلاڑی قرار دیا گیا۔