لاہور(کلچرل رپورٹر) ادبی و ثقافتی تنظیم وِجدان کے زیر اہتمام اسلام آباد میں مقیم معروف و ممتاز شاعر حسن عباس رضا کے پانچویں شعری مجموعے ”عشق بدوش“ کی تقریب رونمائی الحمراءادبی بیٹھک میں منعقد کی گئی۔ تقریب کی صدارت عطاءالحق قاسمی نے کی مہمان خصوصی ڈاکٹر محمد کامران تھے۔ مہمانان اعزاز معروف شاعر عامر بن علی اور علی اصغر عباس تھے۔ نظامت کے فرائض ڈاکٹر صغرا صدف نے انجام دیئے۔ تقریب سے عطاءالحق قاسمی، ڈاکٹر محمد کامران، علی اصغر عباس، عامر بن علی کے علاوہ زاہد مسعود، رخشندہ نوید، غلام حسین ساجد اور عائشہ عظیم نے اظہار خیال کرتے ہوئے کہا کہ حسن عباس رضا بلا شبہ اُردو غزل کے ممتاز اور منفرد حیثیت کے حامل شاعر ہیں۔