لندن (سپورٹس ڈیسک ) انگلش پریمیئرلیگ کے میچ میں مانچسٹر یونائٹیڈ نے لیسسٹر سٹی کو چار ایک سے شکست دیدی۔مانچسٹر یونائٹیڈ کے ماٹا‘سمالنگ‘راشفورڈ اور پوگبا نے ایک ایک گول کیا ۔لیسسٹر سٹی کی جانب سے واحد گول گرے نے کیا۔ مانچسٹر یونائٹیڈ کے کپتان ویان رونی کو انگلش پریمیئر لیگ میں لیسسٹرسٹی کے خلاف میچ میں ڈراپ کر دیا گیا ۔ٹیم منیجر جو ز مورینہو نے کہا کہ جب سے سلواکیہ کے خلاف میچ کے بعد ویان رونی پر تنقید کی گئی ہے وہ پہلے جیسے کھلاڑی نہیں رہے ہیں ۔ان کو 2012-13ءکے سیزن میں بھی دو میچوں کیلئے ڈراپ کیا گیا تھا ۔ویان رونی نے گزشتہ آٹھ میچوں میں صرف ایک گول کیا ہے ۔رونی کی جگہ ماٹا کو سکواڈ کا حصہ بنایاگیا ہے ۔