لاہور(نمائندہ سپورٹس )قومی کرکٹ کی ویمن ٹیم نے ویسٹ انڈیز کے خلاف ٹی ٹونٹی سیریز میں کامیابی کی دعا کرتے ہوئے کہا ہے کہ سرفراز احمد بھی جیت کا جشن مصباح الحق کی طرح پش اپس لگا کرمنائیں۔ کراچی میں جاری وویمن کرکٹ ٹورنا منٹ کے دوران خواتین کھلاڑیوں نے ویسٹ انڈیز کے خلاف پہلا ٹی ٹونٹی جیتنے پر سرفراز الیون کو مبارکباد پیش کی اور پش اپس لگا کر اپنی خوشی کا اظہار کیا۔انہوں نے سرفراز الیون کو مشورہ دیا کہ ٹی ٹونٹی سیریز جیتنے کے بعد خوشی کا اظہار مصبا ح الحق کی طرح پش اپس لگا کر کریں۔انہوں نے امید کا اظہار کیا کہ قومی ٹیم ٹی ٹونٹی سیریز میں کامیاب ہو جائے گی۔