لندن (سپورٹس ڈیسک ) انگلینڈ نے ویسٹ انڈیز کو ون ڈے سیریز کے تیسرے میچ میں 124رنز سے شکست دے کر سیریز میں دوصفر کی برتری حاصل کرلی ۔ انگلینڈ نے پہلے کھیلتے ہوئے 9وکٹوں کے نقصان پر 369رنز بنائے ۔ معین علی نے 57گیندوں پر 102رنز کی اننگز کھیلی ۔ جونی بیئر سٹو تیرہ ‘الیکس ہیلز 36‘جورٹ 84‘ایوائن مورگن صفر ‘بین سٹوکس 73‘جوز بٹلر دو ‘کرس ووکس چونتیس ’پلنکٹ نو رنز بناکر آﺅٹ ہوئے ۔ ڈیوڈ ولی ایک اور عادل رشید نو رنز پر ناٹ آﺅٹ رہے ۔کمیونز نے تین ‘جیسن ہولڈر نے دو کھلاڑیوں کو آﺅ ٹ کیا ۔ ہدف کے تعاقب میں ویسٹ انڈیز کی ٹیم 39.1اوورز میں 245رنز بناکر آﺅٹ ہوگئی ۔ کرس گیل 94‘لیوس تیرہ ‘شائی ہوپ بیس ‘مارلون سیموئلز گیارہ ‘جیسن محمد اڑتیس ‘پاول آٹھ ‘جیس ہولڈر چونیتس ‘نرس ایک ‘بشو بارہ ‘ٹیلر صفر پر آﺅٹ ہوئے ۔ پلنکٹ نے پانچ ‘عادل رشید نے تین ‘کھلاڑیوں کو آﺅٹ کیا ۔ آل راﺅنڈر معین علی کو سنچری بنانے پر میچ کا بہترین کھلاڑی قرار دیا گیا ۔