سپینش فٹبال لیگ: جیرونا کو شکست بارسلونا کی مسلسل چھٹی کامیابی

بارسلونا(سپورٹس ڈیسک) سپینش فٹ بال لیگ میں بارسلونا نے جیرونا کو تین صفر سے شکست دےدی۔ شائقین سے کھچا کھچ بھرے سٹیڈیم میں بارسلونا اور جیرونا کی ٹیمیں مدمقابل ہوئیں۔ سترہویں منٹ میں جیرونا کے فرانسیسکو نے گیند کو اپنے ہی گول پوسٹ میں ڈال دیا۔ دوسرے ہاف کے آغاز میں گول کیپر نے سنگین غلطی کی، ایک اور اون گول سے بارسلونا کی برتری دو گنی ہو گئی۔ کھیل کے اختتامی لمحات میں سواریز نے شاندار گول داغ کر اپنی ٹیم کو تین صفر سے کامیابی کو یقینی بنا دیا۔ لگاتار چھٹا میچ جیت جیتنے والی لیونل میسی کی ٹیم پوائنٹس ٹیبل پر سرفہرست ہے۔