کویت، گلف بینک کو لوٹنے والا اڑتالیس گھنٹوں میں گرفتار

کویت سٹی (اے پی پی) کویتی پولیس نے گلف بینک لوٹنے والے نقاب پوش کو گرفتار کرلیا ۔ العریبیہ نیوز کے مطابق حولی شہر میںخفیہ پولیس نے کارروائی کرتے ہوئے گلف بینک میں ڈکیتی ڈالنے والے شخص کا تعاقب کیا اور 48گھنٹے کے اندر اسے گرفتار کرلیا۔ اطلاع کے مطابق گرفتار شدہ شخص اردنی شہری ہے۔ اس کے قبضے سے چوری شدہ رقم اور پلاسٹک کی پسٹل برآمد ہوئی ہے۔ ابتدائی تحقیقات کے دوران ملزم نے جرمکا اعتراف کرلیا۔