اسلام آباد (خبرنگار خصوصی) تیسرا چیف آف دی نیول سٹاف آل پاکستان ہاکی ٹورنامنٹ21  سے28  ستمبر تک عبدالستار ایدھی ہاکی اسٹیڈیم، کراچی میں کھیلا جا رہا ہے۔ ٹورنامنٹ کے چوتھے دن دو میچ کھیلے گئے۔ دن کے پہلے میچ کے دوران واپڈا نے پورٹ قاسم اتھارٹی کو 0-10 سے شکست دی۔ واپڈا کے رانا عبدالوحید کو شاندار کارکردگی پر مین آف دی میچ کا ایوارڈ دیا گیا۔ دوسرا میچ پاک بحریہ اور پاک آرمی کی ٹیموں کے مابین کھیلا گیا جس میں پاک بحریہ نے پاکستان آرمی کو 1-5 سے شکست دی۔ پاک بحریہ کے خالد علی کو ان کی مہارت کے شاندار مظاہرے پر مین آف دی میچ کا ایوارڈ ملا۔