فیروزوالا( نامہ نگار)  ٹرک نے تین  بھائیوں کو روند ڈالا جس کے نتیجہ میں ٹرک ڈرائیور عدنان اور اس کا بھائی رضوان ہلاک ہوگئے جبکہ ایک بھائی شدید زخمی ہوگیا۔ تفصیلات کے مطابق نارووال کے رہائشی تین  سگے بھائی 26 سالہ ڈرائیور عدنان احمد 18 سالہ رضوان احمد اپنے بھائی عرفان کے ہمراہ  ٹرک پرسامان لوڈ کرکے لاہور جا رہے تھے کہ کالا خطائی روڈ پر گجر چوک کے قریب ٹرک خراب ہو جانے کے باعث تینوں بھائی ٹرک کے پیچھے سڑک پر بیٹھے ہوئے تھے اس دوران پیچھے سے آنے والے تیز رفتار ٹرک نے ان تینوں بھائیوں کو روند ڈالا جس کے نتیجہ میں عدنان اور رضوان موقع پر ہلاک ہوئے جبکہ عرفان زخمی ہوگیا۔ نارنگ پولیس نے واقعہ کی رپورٹ درج کر لی جاں بحق ہونے والے دونوں بھائیوں کی نعشیں ضروری کارروائی کے بعد ورثاء کے حوالے کردی گئیں۔