6 کروڑ 93 لاکھ روپے مالیت کی   مضر صحت چھالیہ ،سویٹ سپاری برآمد

کراچی  (اے پی پی):پاکستان کسٹمز انفورسمنٹ کراچی نے سائیٹ ایریا کراچی میں کارروائیوں کے دوران  6 کروڑ 93 لاکھ روپے مالیت کی  مضر صحت چھالیہ اور سویٹ سپاری برآمد کر لی۔ترجمان کسٹمز کے مطابق پاکستان کسٹمز انفورسمنٹ کراچی نے خفیہ اطلاع پر سائیٹ ایریا کراچی میں واقع فیکٹری پر چھاپیکے دوران سمگل شدہ چھالیہ کے 1920 بیگ اورسویٹ سپاری کے  200 کارٹن  برآمد کیے گئے جن سے بالترتیب 48ہزار کلو گرام مضر صحت چھالیہ اور 6ہزار کلو گرام سویٹ سپاری برآمد ہوئی جن کی مالیت  5 کروڑ 40 لاکھ روپے  ہے۔دریں اثنا دوسری کارروائی میں سائٹ ایریا کراچی میں موجود گودام سے ایک  کروڑ 53 لاکھ روپیمالیت کے 358 پی پی بیگ برآمد کیے گئے  جن سے 15ہزار 300کلوگرام مضر صحت چھالیہ برآمد ہوئیں۔ ایف آئی آرکے اندراج  کے بعد باضابطہ کارروائی شروع  ہے۔