ایمپیلائز یونین کاویسٹ مینجمنٹ کمپنی انتظامیہ کیخلاف احتجاجی مظاہرہ 

ملتان ( خبر نگار خصوصی)میونسپل ایمپیلائز ویلفیئر یونین CBAویسٹ منیجمنٹ کمپنی کے صدر ملک منظور حسین جنرل سیکرٹری سمیع اللہ خان بلوچ کی زیر قیادت احتجاجی مظاہرہ کیا گیا،مظاہرین سے خطاب کرتے ہوئے صدرملک منظور،جنرل سیکرٹری سمیع اللہ خان نے کہا کہ ویسٹ منیجمنٹ کمپنی کی انتظامیہ ہٹ دھرمی پر اتر آئی ہے گورنمنٹ آف پنجاب کے لیٹر کے باوجود کمپنی ملازمین سپیشل الاونس ورکرز کو ادا نہیں کر رہی ہے،انہوں نے کہا کہ اگر مطالبات تسلیم نہ ہوئے تو مکمل طور پر ہڑتال پر جانے پر مجبور ہونگے اور صفائی آپریشن مکمل طور پر بند کردیا جائیگا،ہم پور امن لوگ ہیں لیکن یہ افسران کے نامناسب روائیوں کی وجہ سے ہمیں احتجاج پر مجبور کیا جارہا ہے۔