کوشش ہوگی غلطیاںنہ دہرائیں ‘سیریز میں کم بیک کرینگے :شان مسعود

لاہور(اسپورٹس رپورٹر)پاکستان کرکٹ ٹیم کے بیٹر شان مسعود نے کہا ہے کہ اگر نتائج ٹیم کے حق میں نہ ہوں تو کچھ اچھا نہیں لگتا، ٹیم ورلڈ کپ سے قبل مختلف کامبی نیشن ٹرائی کریگی اس لئے صبر کرنا ہوگا، ورلڈ کپ وہ ایونٹ ہے جس میں سب کو نتائج دینا ہوں گے۔ پاکستان ٹیم سیریز میں باؤنس بیک کرسکتی ہے، سیریز میں چار میچز باقی ہیں، نتیجہ اچھا ہی ہوگا۔ وکٹ پر وقت گزار کر گیم کی پیس سے ہم آہنگ ہونے کا موقع ضرور ملا لیکن اگر ٹیم نہ جیتے تو پھر کچھ اچھا نہیں لگتا، ذاتی سکور بعد کی بات ہوتے ہیں۔انگلینڈ کو کریڈیٹ دینا ہوگا کہ انہوں نے کوالٹی بیٹنگ کی، خاص طور پر بین ڈکٹ اور ہیری بروک نے بہت زبردست کھیلا، ساتھ ساتھ مارک ووڈ اور ٹوپلے نے ابتدا میں بہت زبردست بائولنگ کی اور پاکستان کے اہم بیٹرز کو آؤٹ کیا۔ یہ تسلیم کرنا ہوگا کہ انگلینڈ ایک ٹاپ ٹیم ہے، انٹرنیشنل کرکٹ میں ٹاپ ٹیمز اپنا بہترین کھیل پیش کرتی ہیں۔
، آپ کو کوشش کرنی چاہیے کہ اپنی غلطیوں سے سبق سیکھیں اور آئندہ غلطیاں نہ دہرائیں۔ انگلینڈ کیخلاف ایک ایسی سیریز ہے جس میں مختلف کامبی نیشن چیک ہوسکتے ہیں، تھوڑا صبر کرنا ضروری ہے ورلڈ کپ ایسا ایونٹ ہوگا جس میں سب کو نتائج دینا ہوں گے۔ اس سیریز میں جو چیزیں دیکھیں گے اس کی بنیاد پر ورلڈ کپ کیلئے بہترین کامبی نیشن ٹرائی کریں گے اور کوشش کریں گے کہ وہاں جا کر بہترین رزلٹ دیں۔ وہ پر امید ہیں کہ ٹیم اس سیریز میں کم بیک کرے گی۔ دوسرے میچ میں پاکستانی ٹیم نے کر دکھایا تھا کہ وہ کوئی بھی ہدف حاصل کرسکتی ہے، ابھی چار گیمز باقی ہیں، پاکستان ٹیم اچھا کھیلے گی۔ کوشش کریں گے کہ جو تیسرے ٹی ٹونٹی میں غلطیاں ہوئی ہیں اس کو اتوار کو نہ دہرایا جائے اور اچھا رزلٹ پیش کیا جائے۔