ہفتہ شان رحمت اللعالمین کو پنجاب بھر میں شایان شان طریقے سے منایا جائیگا 

  مری(نامہ نگار خصوصی )خاتم النبین حضرت محمد کی ولادت باسعادت کے سلسلے میں ہفتہ شان رحمت اللعالمین کو پنجاب بھر میں شایان شان طریقے سے منایا جائے گا۔ ان خیالات کا اظہار ایگزیکٹو ڈائریکٹر پنجاب آرٹس کونسل نے پنجاب بھر کی ڈویژنل آرٹس کونسلوں کے ڈائریکٹر زسے ذوم میٹنگ کی صدارت کرتے ہوئے کیا۔انھوں نے کہا کہ پنجاب بھر میں خطاطی کی نمائشیں،محافل سماع، محافل نعت، کوئز پروگرام،محافل حسن قرآت، سیرت النبی کانفرنس ،نعتیہ مشاعرہ ،اسم محمد خطاطی مقابلے،محافل میلاد مصطفیٰ کے پروگرامز منعقد ہوں گے۔ انھوں نے مز ید کہا کہ عمارتوں پر چراغاں بھی کیا جائے گا۔اس سلسلے میں انتظامات کرنے کے احکامات جاری کردیئے گئے۔ جن پر فوری کام شروع ہوگیا ہے ۔