12 چیف وارڈرز کی بطور اسسٹنٹ سپرنٹنڈنٹ جیل ترقی

لاہور(خبر نگار)آئی جی جیل خانہ جات پنجاب مرزا شاہد سلیم بیگ کی سربراہی میں ڈیپارٹمنٹل پروموشن کمیٹی کا اجلاس ہوا جس میں 12 چیف وارڈرز کو بطور اسسٹنٹ سپرنٹنڈنٹ جیل ترقی دیدی گئی۔ترقی پانے پر محمد یحییٰ ، محمد یوسف اور محمد وسیم کو بطور اسسٹنٹ سپرنٹنڈنٹ سنٹرل جیل فیصل آباد ،عبد الجلیل اور جلال خان کو بطور اسسٹنٹ سپرنٹنڈنٹ ڈسٹرکٹ جیل پاکپتن تعینات کر دیا گیا جبکہ دیگر ترقی پانے والوں میںاللہ بخش ، سمیع اللہ ، محمد انور ، غلام شبیر ، یوسف علی ، منیر احمد اور محمد یوسف شامل ہیں۔آئی جی جیل خانہ جات پنجاب مرزا شاہد سلیم بیگ نے ترقی پانے والے تمام ملازمین کو مبارکباد دی ہے اور اپنے فرائض منصبی خوش اسلوبی سے ادا کرنے کی ہدایت کی ہے۔